ஜெயலலிதாதான் அடுத்த முதல்வர்; எந்த மாற்றமும் இல்லை - நடிகை பபிதா பேச்சு

ஜெயலலிதா தான் மீண்டும் தமிழக முதல்வர் ஆவார். இதில் எந்த மாற்றமும் இல்லை என்று நடிகை பபிதா கூறியுள்ளார்.
 

 

ஈரோடு மாவட்டம் மொடக்குறிச்சி அருகேயுள்ள அவல்பூந்துறையில், தமிழக அரசின் சாதனைகளை விளக்கி அதிமுக சார்பில் தெருமுனை பிரச்சார கூட்டம் நடைபெற்றது.

 

இந்த கூட்டத்தில் பங்கேற்று பேசிய நடிகையும் அதிமுக சிறப்புப் பேச்சாளருமான பபிதா, ”பிறந்த குழந்தை முதல் முதியவர் வரை அனைவருக்கும் பல நல்ல திட்டங்களை நம்ம முதல்வர் செயல்படுத்தி வருகிறார். கடந்த 4½ ஆண்டில் செய்த சாதனைகளை வேறு எந்த மாநிலத்திலும் செய்யப்படவில்லை.

 

இப்படி சாதனைகள் மேல் சாதனை படைத்து வரும் ஜெயலலிதா தான் மீண்டும் தமிழக முதல்வர் ஆவார். இதில் எந்த மாற்றமும் இல்லை.

 

இப்போது மு.க.ஸ்டாலின் தமிழ்நாட்டுல ஊர் சுற்றி வருகிறார். அவர் எந்த ஊர்களுக்கும் சுற்றினாலும் தி.மு.க. இனி ஆட்சிக்கு வர முடியாது. மக்களைதிமுக ஏமாற்ற முடியாது” என்று கூறியுள்ளார்.