ஆச்சி மனோரமா மறைவு – சென்னை பத்திரிக்கையாளர் சங்கத்தினர் இரங்கல்

சென்னை பத்திரிக்கையாளர் சங்க தலைவர் வி.அன்பழகன் விடுத்துள்ள செய்தியில் தெரிவித்துள்ளதாவது.,

திருவாரூர் மாவட்டம், மன்னார்குடி பகுதியில் பிறந்து தமிழ் திரைப்பட உலகில் பல வேடங்களில் நடித்து, கின்னஸ் சாதனை செய்து இயற்பெயர் கோவிந்தம்மாள் என்றாலும், ஆச்சி என்று அனைவராலும் அழைக்கப்பட்ட மனோரமா மூச்சு திணறல் காரணமாக 10 ம் தேதி இரவு காலமானார்.

நடிப்பில் 50 ஆண்டுகளை கடந்து பொன்விழா கொண்டாடிய ஆச்சி மனோரமாவின் மறைவு, தமிழ் திரைப்பட உலகிற்கு ஈடு செய்ய முடியாத இழப்பு, ஆச்சி மனோரமாவை இழந்து வாடும் அவரது குடும்பத்தினருக்கு, சென்னை பத்திரிக்கையாளர் சங்கம் ஆழ்ந்த இரங்கலை தெரிவித்துக்கொள்கிறது என்று சங்கத்தின் தலைவர் அன்பழகன் இரங்கல் தெரிவித்துள்ளார்.