திரைப்படத்துறை தேர்தல் நடிகர் விஷாலின் அணிக்கு விவேக், மனோபாலா ஆதரவு!

இலங்கையில் இப்போது தான் நாடாளுமன்ற தேர்தல் நடந்து முடிந்தது, தமிழகத்திற்கு வரும் 2016 சட்டமன்ற தேர்தல் வருகிறதா ? இல்லை வரும் 2015 டிசம்பர் மாதத்திற்குள் வருகிறதா ? என்று கேள்வி மேல் கேள்வி எழுந்து வரும் நிலையில் திரைப்படத்துறையினரின் நடிகர் சங்கத் தேர்தலில் போட்டியிடும் விஷாலின் ஐந்து பேரது அணிக்கு தனது ஆதரவை வழங்கியுள்ளார் நடிகர் விவேக். நடிகர் சங்கத் தேர்தல் வரும் செப்டம்பர் 1-ம் தேதி நடக்கிறது. அந்தத் தேர்தலில் விஷால் தலமையிலான அணி, சரத்குமார் அணியை எதிர்த்துப் போட்டியிடுகிறது. தனது தேர்தல் அணிக்கு பாண்டவர் அணி என்று பெயர் சூட்டியுள்ளார் விஷால். குருசேத்திரப் போராக நினைத்துக் கொண்டு இந்தத் தேர்தலில் போராடுவதாக அறிவித்து வேலைப் பார்த்து வருகின்றனர். 
சமீபத்தில் ரஜினி, கமல் உள்ளிட்டோரைச் சந்தித்து ஆதரவு கேட்டது விஷால் அணி. அடுத்து விஜய் போன்ற நடிகர்களையும் சந்தித்தனர். நேற்று நடிகர் விவேக், இயக்குநர் - நடிகர் மனோபாலா ஆகியோரைச் சந்தித்தனர். இருவருமே விஷால் அணிக்கு ஆதரவு தருவதாக அறிவித்தனர்.