லண்டனில் டாக்டர் அம்பேத்கர் வாழ்ந்த வீட்டை இந்தியா வாங்கியது

லண்டனில் டாக்டர் அம்பேத்கர் வாழ்ந்த வீட்டை இந்தியா வாங்கியுள்ளது.

இதுதொடர்பாக அந்த வீட்டின் தற்போதைய உரிமையாளருக்கும், மகாராஷ்டிர மாநில அரசுக்கும் இடையேயான ஒப்பந்தம் வியாழக்கிழமை கையெழுத்திடப்பட்டது.

இரண்டாயிரத்து ஐம்பது சதுர அடியில் 3 தளங்களைக் கொண்ட அந்த வீடு சர்வதேச நினைவுச் சின்னமாக மாற்றப்படவுள்ளது. மேலும், அங்கு இந்தியக் கலாசார மையமும் அமையவிருக்கிறது.

இந்திய மதிப்பில் ரூ.31 கோடி மதிப்புள்ள அந்த வீட்டுக்கு மகாராஷ்டிர அரசு ரூ.3 கோடி முன்பணம் செலுத்தியிருக்கிறது. மீதமுள்ள பணம் அடுத்த 2 நாள்களில் செலுத்தப்படவுள்ளது.

அந்த வீட்டின் முகப்பில், \"சமூக நீதிக்கான இந்தியப் போராளி அம்பேத்கர் இங்கு வாழ்ந்தார்\' என்ற கல்வெட்டு இடம்பெற்றுள்ளது.