தமிழகத்தில் பூரண மதுவிலக்குக்கோரி போராட்டம் நடத்திய மாணவர்கள் கைது செய்யப்பட்டனர். இந்த நிலையில் தமிழகத்தில் கைது செய்யப்பட்ட மாணவர்களை உடனடியாக விடுவிக்கக்கோரி டெல்லி சாணக்கியபுரியில் உள்ள ஜவகர்லால் நேரு பல்கலைக்கழக மாணவர்கள், டெல்லி தமிழ்நாடு இல்லத்தின் முன்பு ஆர்ப்பாட்டத்தில் ஈடுபட்டனர்.
ஆர்ப்பாட்டத்தில் ஈடுபட்ட மாணவர்கள் தமிழகத்தில் பூரண மதுவிலக்கை அமல்படுத்த வேண்டும், கைது செய்யப்பட்ட மாணவர்களை உடனடியாக விடுதலை செய்ய வேண்டும், மாணவர்கள் மீது தடியடி நடத்திய போலீசார் மீது நடவடிக்கை எடுக்க வேண்டும் என்பது குறித்து கோஷங்களை எழுப்பினார்கள்.
மேலும், இதுதொடர்பான கோரிக்கைகள் அடங்கிய மனு ஒன்றை தமிழ்நாடு இல்லத்தின் உறைவிட ஆணையருக்கு அனுப்பி வைத்தனர்.
No comments:
Post a Comment