ஐக்கிய அரபு அமீரக சுற்றுப்பயணத்தை முடித்து இந்தியா திரும்பினார் பிரதமர் நரேந்திர மோடி

இரண்டு நாள் சுற்றுப் பயணமாக ஐக்கிய அரபு அமீரகத்த்துக்கு நேற்று முன்தினம் சென்ற பிரதமர் நரேந்திர மோடி தனது சுற்றுப் பயணத்தை முடித்துக் கொண்டு இன்று காலை இந்தியா திரும்பினார்.

34 ஆண்டுகளுக்கு பிறகு வளைகுடா நாடுகளுக்கு செல்லும் முதல் பிரதமர் என்ற சிறப்பை பெற்ற மோடி, அங்கு முக்கிய தலைவர்களை சந்தித்தார். அபுதாபி பட்டத்து இளவரசர் ஷேக் முகமது பின் ஜாயித் அல் நஹ்யானுடன் நேற்று மோடி சந்தித்து பேசினார்.

பின்னர் நேற்று இரவு துபாய் வாழ் இந்தியர்களிடையே நடந்த பிரமாண்ட கூட்டத்தில் மோடி உரையாற்றினார். பின்னர் அவர் நேற்று நள்ளிரவில் அங்கிருந்து புறப்பட்டு இன்று காலை இந்தியா வந்தடைந்தார்.